海洛英

海洛英係一種從鴉片中提煉出嚟嘅半合成毒品，其主要成分為二乙酰嗎啡，原本用作醫療止痛，但因其極高成癮性同危害，早已被禁止醫療使用🚫不法分子經常將佢混合其他物質，例如咖啡因☕、砂糖🍬，甚至係毒藥，增加其危險性💀。

由於海洛英能夠迅速產生強烈愉悅感，使用者好容易沉迷😣。不法分子會以不同形式出售，例如白色粉末或黑色焦油狀物質，吸引好奇心強嘅青少年同容易受影響嘅人群，繼而跌入毒海😵‍💫。吸食海洛英後所產生嘅反應可以用「瞬間上天，瞬間落地」嚟形容✈️，即係起效極快，帶來短暫強烈快感，但好快就會陷入低迷狀態，導致使用者不斷增加劑量，容易過量致死☠️☠️☠️

海洛英通常以白色或棕色粉末形式出現，有時亦會係黑色焦油狀。不法分子可能會將佢加入煙草或溶於水中注射💉，極難從外觀辨認。

🤔吸食後身體會有甚麼反應？

💀短期：

· 呼吸抑制：呼吸減慢甚至停止，導致缺氧昏迷

· 極度睏倦：意識模糊，無法正常活動

· 噁心嘔吐：身體出現強烈排斥反應

· 皮膚反應：發癢、出汗、發冷

☠️長期：

· 極度成癮：生理和心理雙重依賴，戒斷極度痛苦

· 身體機能衰退：免疫力下降，容易感染各種疾病

· 器官損壞：對肝、腎、肺造成不可逆傷害

· 精神問題：焦慮、抑鬱、幻覺，甚至精神分裂

倘若懷疑身邊人正在吸食毒品，可建議對方致電戒毒熱線186 186尋求專業協助，或直接致電警務處毒品舉報熱線2527 1234，幫助對方從毒癮深淵中重返人間。

參考資料：香港警務處、保安局禁毒處